VLERA E SHPIRTIT TIM

• • • Poezi

VEÇ NJË

Qindra vjet në shifra

ndoshta mund të duken shumë,

një do të donim vërtet

që të mos kishte fund.

Brënda këtij numri

nuk ka kufi dëshira,

si pulëbardhat përmbi det

fluturojnë ëndrrat e lira.

Kërkojmë shumë në shifra 

nga të tjerët,kërkojmë shumë,

harrojmë se veç një jetë na duhet
një jetë që ta kemi pa fund. 
        

VLERA E SHPIRTIT TIM, poezi, 2009

Botues KRISTALINA - KH

VEÇ LOTI

                                   

                                       

Nuk është nata

e tëra natë,as koha e tëra kohë,

as vjeshta e tëra vjeshtë,

as shiu i tëri shi,

as ëndrra e tëra ëndërr,

as pritja e tëra pritje, 

as malli i tëri mall,

as kënga e tëra këngë,

as vaji i tëri vaj, 

as fjala e tëra fjalë,

as heshtja e tëra heshtje, 

as fryma e tëra frymë,

as njeriu i tëri njeri,as jeta e tëra jetë...                                                  
Nuk janë!

Veç loti,
loti është i tëri lot!

                                                                                                               Xhane Imeraj